Arddangosfa gan Gomisiwn Brenhinol Henebion Cymru
Noddir gan Elin Jones AS
Dyddiadau: 16 Tachwedd – 19 Rhagfyr 2024
Lleoliad: Oriel y Senedd
Mae ‘O fudo i wydnwch’ yn adrodd hanes y rhai a gafodd eu gorfodi i fudo ac i adeiladu bywyd o’r newydd ar ôl i bobl Asiaidd gael eu gyrru allan o Uganda ym 1972; ac mae’n dathlu treftadaeth grefyddol a diwylliannol fywiog cymunedau Asiaidd Cymru.
Cafodd 80,000 o bobl Asiaidd eu gyrru allan o Uganda ym 1972 gan Idi Amin.
Daeth 28,000 o bobl Asiaidd â phasbortau Prydeinig i'r DU a i aros mewn 16 o wersylloedd dros dro.
Arhosodd 1700 yng Ngwersyll Tonfannau yng Ngogledd Cymru.
Mae'r arddangosfa yn cynnwys hanesion gan bobl a gafodd eu gyrru allan o Uganda, am eu bywyd yn Nhonfanau, yr heriau cynnar a’r daith bersonol anhygoel i sicrhau gwydnwch unwaith eto drwy ailsefydlu teuluoedd, cymunedau a sefydlogrwydd economaidd, a hynny oll wrth brofi trawma gwahaniad, colled a bod yn dyst i erchyllterau dynol.
Ar yr un pryd, mae ‘O fudo i wydnwch’ yn dathlu amrywiaeth y dirwedd bensaernïol a grëwyd gan weithgareddau diwylliannol a chrefyddol Asiaidd.
Lluniau
1 - Dawnsiwr ifanc yng Nghanolfan India, Caerdydd.
2 - Mr. Singh ar yr Wyddfa ar daith gerdded noddedig Khalsa Aid.
3 - Athrawon, gwirfoddolwyr a defnyddwyr gwasanaeth yn 28 The Parade, Canolfan Addysg Gymunedol arloesol a sefydlwyd gan Ravi Mooneram. Llun drwy ganiatâd caredig Preet Mooneram.
4 - Plant yn dod at ei gilydd yng Ngwersyll Tonfanau drwy iaith ryngwladol pêl-droed. Ffotograff drwy ganiatâd caredig Delyth Lloyd Williams a gyda diolch i Lyfrgell Tywyn.
Mae Prosiect Treftadaeth Asiaidd Cymru yn brosiect ymgysylltu cymunedol gan Gomisiwn Brenhinol Henebion Cymru ac fe’i ariennir gan Lywodraeth Cymru fel rhan o raglen Cymru Wrth-hiliol.
