Cynigion a Gwelliannau i’w Trafod ar 20 Ionawr 2009

Cynigion a gyflwynwyd ar 13 Ionawr 2009

NDM4107

Carwyn Jones (Pen-y-Bont ar Ogwr)

Bod Cynulliad Cenedlaethol Cymru, yn unol â Gorchymyn Sefydlog 26.4, yn cytuno y dylai Senedd y D.U. ystyried darpariaethau Mesur Democratiaeth Leol, Datblygu Economaidd ac Adeiladu o ran deisebau at awdurdodau lleol, i'r graddau y mae'r darpariaethau hyn yn dod o fewn cymhwysedd deddfwriaethol Cynulliad Cenedlaethol Cymru

Mae Memorandwm Cydsyniad Deddfwriaethol wedi’i osod yn y Swyddfa Gyflwyno ar 12 Ionawr 2009 yn unol â Rheol Sefydlog 26.2(i).

I weld copi o’r Mesur Democratiaeth Leol, Datblygu Economaidd ac Adeiladu ewch i:

http://www.publications.parliament.uk/pa/ld200809/ldbills/002/09002.i-v.html

NDM4108

Carwyn Jones (Pen-y-Bont ar Ogwr)

Cynnig bod Cynulliad Cenedlaethol Cymru, yn unol â Rheol Sefydlog 22.34:

Yn cymeradwyo Gorchymyn Cynulliad Cenedlaethol Cymru (Cymhwysedd Deddfwriaethol) (Tai) 2009.

Gosodwyd y Gorchymyn drafft a'r Memorandwm Esboniadol gerbron y Cynulliad ar 12 Ionawr 2009;

Gosodwyd adroddiadau’r Pwyllgor ar y Gorchymyn arfaethedig  ynghylch Tai Fforddiadwy gerbron y Cynulliad ar 18 Ebrill 2008 a 17 Gorffennaf 2009

NDM4109

Carwyn Jones (Pen-y-Bont ar Ogwr)

Cynnig bod Cynulliad Cenedlaethol Cymru:

Yn nodi hynt y gwaith dros y 12 mis diwethaf o weithredu strategaeth Llywodraeth Cynulliad Cymru ar gamddefnyddio sylweddau.

Cewch afael ar y Strategaeth Camddefnyddio Sylweddau drwy ddilyn y ddolen hon:

http://cymru.gov.uk/topics/housingandcommunity/safety/publications/strategy0818/?lang=cy

Gwelliannau a Gyflwynwyd ar 15 Ionawr 2009

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4107

William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn gresynu nad oes mecanwaith ar gyfer cydlynu deisebau a dderbynnir gan Gynulliad Cenedlaethol Cymru ac awdurdodau lleol fel bo’r sefydliad mwyaf priodol yn gallu eu hystyried.

NDM4108

William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn gresynu nad yw’r gorchymyn drafft yn llwyddo i fynd i’r afael â’r argyfwng tai yng Nghymru.

NDM4109

William Graham (Dwyrain De Cymru)

Ychwanegu pwynt newydd ar ddiwedd y cynnig:

Yn gresynu’r bylchau anferth mewn darpariaeth ar gyfer mynd i’r afael â chamddefnyddio sylweddau yng Nghymru.

Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cynulliad Cymru i wella’r ffordd y mae’n casglu ac yn cyhoeddi gwybodaeth am gamddefnyddio sylweddau.

Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cynulliad Cymru i gynyddu nifer y lleoedd adsefydlu preswyl a dibreswyl.