Cynigion a Gwelliannau i’w Trafod ar 22 Hydref 2008

Cynigion a gyflwynwyd ar 15 Hydref 2008

Dadl Fer

NDM4041 Alun Davies (Canolbarth a Gorllewin Cymru): Cymru Wledig a Threfol: Cysylltu ein cymunedau.

NDM4039

William Graham (Dwyrain De Cymru)

Cynnig bod Cynulliad Cenedlaethol Cymru yn cytuno ar gyllideb Comisiwn y Cynulliad ar gyfer 2009-10, fel y nodir yn nhabl 1 y "Cynigion ar gyfer Cyllideb Comisiwn Cynulliad Cenedlaethol Cymru 2009-10”, a gyflwynwyd gerbron y Cynulliad ar 15 Hydref 2008; ac y caiff ei chynnwys y Cynnig Cyllideb Blynyddol o dan Reol Sefydlog 27.17(ii).

NDM4040

William Graham (Dwyrain De Cymru)

Cynnig bod Cynulliad Cenedlaethol Cymru

1. Yn nodi:

a) yr argyfwng bancio dwys a sylfaenol sydd wedi taro economïau’r gorllewin;

b) Y perygl y bydd economïau’r gorllewin yn mynd i gyfnod o ddirwasgiad economaidd;

c) Y bydd yr argyfwng bancio a’i ganlyniadau economaidd tebygol yn effeithio ar fywydau pobl ledled Cymru;

d) Bod Llywodraeth Cynulliad Cymru wedi gosod blaenoriaethau ei chyllideb a’i hamcanion polisi pan yr oedd amgylchiadau economaidd yn fwy hynaws nag ydynt heddiw.

2. Yn credu:

a) Adeg argyfwng cenedlaethol bod gan bob plaid wleidyddol a gynrychiolir yn y Cynulliad ddyletswydd i gydweithio pan fydd hynny'n bosibl i amddiffyn a hyrwyddo lles pobl Cymru;

b) Er bod nifer o lifrau economaidd yn aros ar lefel y wladwriaeth, gall Llywodraeth Cynulliad Cymru hefyd addasu ei gwariant, ei blaenoriaethau a’i pholisïau ei hun i ymateb i’r sefyllfa economaidd sy’n gwaethygu;

c) Bod yr angen am wariant cyhoeddus effeithlon a chraffu effeithiol yn cael ei ailddyblu ar adeg o bwysau economaidd;
d) Y dylai’r Prif Weinidog gynnull cyfarfod o arweinwyr y Pleidiau i gytuno lle ceir consensws ar gyfer gweithio'n hollbleidiol.

NDM4042

Kirsty Williams (Brycheiniog a Sir Faesyfed)

Cynnig bod Cynulliad Cenedlaethol Cymru:

1. Yn nodi pwysigrwydd rhaglenni hyfforddi athrawon o ansawdd uchel ar gyfer recriwtio a chadw gweithlu proffesiynol llawn cymhelliant.

2. Yn galw ar Lywodraeth Cynulliad Cymru i:

a) sicrhau bod athrawon yn cael eu hamddiffyn rhag cael eu cam-drin yn eu gwaith;

b) rhoi sylw i’r argyfwng posibl o ran cadw penaethiaid;

c) sicrhau bod rhaglenni hyfforddi athrawon yng Nghymru o’r ansawdd gorau;

d) creu cyfleoedd i athrawon ddatblygu eu sgiliau a datblygu eu gyrfa mewn amgylchedd addysgu.

Gwelliannau a Gyflwynwyd ar 17 Hydref 2008

NDM4040

1. Carwyn Jones (Pen-y-bont ar Ogwr)

1. Ym mhwynt 1(d) dileu popeth ar ôl “hamcanion polisi” a rhoi yn ei le “o fewn Setliad Adolygiad Gwariant Cynhwysfawr dros 3 blynedd.”

2. Carwyn Jones (Pen-y-bont ar Ogwr)

2. Dileu pwynt 2 a rhoi yn ei le bwynt 2 newydd

Yn credu mai cyfrifoldeb Llywodraeth y Cynulliad yw sicrhau y defnyddir pob lifer posibl o fewn ei rheolaeth er mwyn mynd i’r afael â’r sefyllfa economaidd sy’n datblygu, a:

a) yn cymeradwyo cynnull Uwchgynhadledd Economaidd gyffredinol a fydd o gymorth â’r ymdrech hwn;

b) yn croesawu menter Llywodraeth y Cynulliad i friffio holl lefarwyr y gwrthbleidiau ynghylch y sefyllfa gyfredol.

3. Kirsty Williams (Brycheiniog a Sir Faesyfed)

Cynnwys ar ddiwedd is-bwynt 2d):

‘, gyda golwg ar liniaru’r beichiau ariannol sy’n wynebu teuluoedd ledled Cymru;

NDM4042

1. William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

‘adolygu’r arfer o ysgolion yn dileu uwch swyddi rheoli oherwydd pwysau cyllidebol.’

2. William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

‘rhoi sylw i’r prinder cyllid wrth weithredu cam olaf y Cytundeb Cenedlaethol ar Lwyth Gwaith Athrawon ar gyfer Medi 2009.’

Gellir dod o hyd i'r Cytundeb Cenedlaethol ar Lwyth Gwaith Athrawon ar gyfer mis Medi 2009 yn y linc a ganlyn:

http://www.tda.gov.uk/remodelling/nationalagreement.aspx

3. William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

‘sicrhau bod athrawon wedi cael eu hyfforddi’n briodol i adnabod anghenion addysgol arbennig posibl’.

4. William Graham (Dwyrain De Cymru)

Ychwanegu pwynt newydd ar ddiwedd y cynnig:

‘Yn gresynu wrth arafwch Llywodraeth Cynulliad Cymru wrth weithredu argymhellion yr Adolygiad Cenedlaethol o Ymddygiad a Phresenoldeb.’

Gellir dod o hyd i'r Adolygiad Cenedlaethol o Ymddygiad a Phresenoldeb yn y linc a ganlyn:

http://wales.gov.uk/topics/educationandskills/educationskillsnews/2233523/?lang=en

5. Carwyn Jones (Pen-y-bont ar Ogwr)

Ym mhwynt 2 ychwanegu “barhau i” ar ôl “Lywodraeth Cynulliad Cymru i”  

6. Carwyn Jones (Pen-y-bont ar Ogwr)

Dileu pwynt 2b a rhoi yn ei le:

“cefnogi datblygiad proffesiynol Penaethiaid a chamau i’w cadw”