Y Trydydd Cynulliad - Cyfarfod Llawn

Pleidleisiau a Thrafodion (91)

Dyddiad: Dydd Mercher, 22 Hydref 2008
Amser: 1.30pm

Eitem 1: Cwestiynau i’r Cwnsler Cyffredinol  

Gofynnwyd y cwestiwn.

………………………………

1.31pm
Eitem 2: Cwestiynau i’r Gweinidog dros Faterion Gwledig  

Gofynnwyd y 7 cwestiwn cyntaf. Tynnwyd cwestiwn 1 yn ôl.

………………………………

2.09pm
Eitem 3: Cwestiynau i’r Gweinidog dros yr Amgylchedd, Cynaliadwyedd a Thai

Gofynnwyd y 13 cwestiwn cyntaf. Atebwyd cwestiwn 2 gan y Dirprwy Weinidog dros Dai. Tynnwyd cwestiynau 3 a 12 yn ôl ac ni ofynnwyd cwestiynau 9, 10 ac 11.

………………………………

2.43pm
Eitem 4: Cynnig i gymeradwyo Cyllideb Comisiwn y Cynulliad ar gyfer 2009/10

NDM4039 William Graham (Dwyrain De Cymru)

Cynnig bod Cynulliad Cenedlaethol Cymru yn cytuno ar gyllideb Comisiwn y Cynulliad ar gyfer 2009-10, fel y nodir yn nhabl 1 y "Cynigion ar gyfer Cyllideb Comisiwn Cynulliad Cenedlaethol Cymru 2009-10”, a osodwyd gerbron y Cynulliad ar 15 Hydref 2008; ac y caiff ei chynnwys yn y Cynnig Cyllideb Blynyddol o dan Reol Sefydlog 27.17(ii).

Derbyniwyd y cynnig yn unol â Rheol Sefydlog 7.35.

………………………………

2.55pm
Eitem 5: Dadl y Ceidwadwyr Cymreig  

NDM4040 William Graham (Dwyrain De Cymru)

Cynnig bod Cynulliad Cenedlaethol Cymru

1. Yn nodi:

a) yr argyfwng bancio dwys a sylfaenol sydd wedi taro economïau’r gorllewin;

b) Y perygl y bydd economïau’r gorllewin yn mynd i gyfnod o ddirwasgiad economaidd;

c) Y bydd yr argyfwng bancio a’i ganlyniadau economaidd tebygol yn effeithio ar fywydau pobl ledled Cymru;

d) Bod Llywodraeth Cynulliad Cymru wedi gosod blaenoriaethau ei chyllideb a’i hamcanion polisi pan yr oedd amgylchiadau economaidd yn fwy hynaws nag ydynt heddiw.

2. Yn credu:

a) Adeg argyfwng cenedlaethol bod gan bob plaid wleidyddol a gynrychiolir yn y Cynulliad ddyletswydd i gydweithio pan fydd hynny'n bosibl i amddiffyn a hyrwyddo lles pobl Cymru;

b) Er bod nifer o lifrau economaidd yn aros ar lefel y wladwriaeth, gall Llywodraeth Cynulliad Cymru hefyd addasu ei gwariant, ei blaenoriaethau a’i pholisïau ei hun i ymateb i’r sefyllfa economaidd sy’n gwaethygu;

c) Bod yr angen am wariant cyhoeddus effeithlon a chraffu effeithiol yn cael ei ailddyblu ar adeg o bwysau economaidd;
d) Y dylai’r Prif Weinidog gynnull cyfarfod o arweinwyr y Pleidiau i gytuno lle ceir consensws ar gyfer gweithio'n hollbleidiol.

Cyflwynwyd y gwelliannau a ganlyn:

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Gwelliant 1 - Carwyn Jones (Pen-y-bont ar Ogwr)

1. Ym mhwynt 1(d) dileu popeth ar ôl "hamcanion polisi” a rhoi yn ei le "o fewn Setliad Adolygiad Gwariant Cynhwysfawr dros 3 blynedd.”

Cynhaliwyd pleidlais ar welliant 1:

Derbyniwyd gwelliant 1.

Gwelliant 2 - Carwyn Jones (Pen-y-bont ar Ogwr)

2. Dileu pwynt 2 a rhoi yn ei le bwynt 2 newydd

"Yn credu mai cyfrifoldeb Llywodraeth y Cynulliad yw sicrhau y defnyddir pob lifer posibl o fewn ei rheolaeth er mwyn mynd i’r afael â’r sefyllfa economaidd sy’n datblygu, a:

a) yn cymeradwyo cynnull Uwchgynhadledd Economaidd gyffredinol a fydd o gymorth â’r ymdrech hwn;

b) yn croesawu menter Llywodraeth y Cynulliad i friffio holl lefarwyr y gwrthbleidiau ynghylch y sefyllfa gyfredol.”

Cynhaliwyd pleidlais ar welliant 2:

Derbyniwyd gwelliant 2.

Gan fod gwelliant 2 wedi’i gytuno, cafodd gwelliant 3 ei ddad-ddethol.

Gwelliant 3 - Kirsty Williams (Brycheiniog a Sir Faesyfed) - Cafodd y gwelliant ei ddad-ddethol.

Cynnwys ar ddiwedd is-bwynt 2d):

", gyda golwg ar liniaru’r beichiau ariannol sy’n wynebu teuluoedd ledled Cymru;”

Cynhaliwyd pleidlais ar y cynnig wedi’i ddiwygio:

NDM4040 William Graham (Dwyrain De Cymru)

Cynnig bod Cynulliad Cenedlaethol Cymru

1. Yn nodi:

a) yr argyfwng bancio dwys a sylfaenol sydd wedi taro economïau’r gorllewin;

b) Y perygl y bydd economïau’r gorllewin yn mynd i gyfnod o ddirwasgiad economaidd;

c) Y bydd yr argyfwng bancio a’i ganlyniadau economaidd tebygol yn effeithio ar fywydau pobl ledled Cymru;

d) Bod Llywodraeth Cynulliad Cymru wedi gosod blaenoriaethau ei chyllideb a’i hamcanion polisi o fewn Setliad Adolygiad Gwariant Cynhwysfawr dros 3 blynedd.

2. Yn credu mai cyfrifoldeb Llywodraeth y Cynulliad yw sicrhau y defnyddir pob lifer posibl o fewn ei rheolaeth er mwyn mynd i’r afael â’r sefyllfa economaidd sy’n datblygu, a:

a) yn cymeradwyo cynnull Uwchgynhadledd Economaidd gyffredinol a fydd o gymorth â’r ymdrech hwn;

b) yn croesawu menter Llywodraeth y Cynulliad i friffio holl lefarwyr y gwrthbleidiau ynghylch y sefyllfa gyfredol.

Derbyniwyd y cynnig wedi’i ddiwygio.

………………………………

4.38pm
Eitem 6: Dadl Democratiaid Rhyddfrydol Cymru

NDM4042 Kirsty Williams (Brycheiniog a Sir Faesyfed)

Cynnig bod Cynulliad Cenedlaethol Cymru:

1. Yn nodi pwysigrwydd rhaglenni hyfforddi athrawon o ansawdd uchel ar gyfer recriwtio a chadw gweithlu proffesiynol llawn cymhelliant.

2. Yn galw ar Lywodraeth Cynulliad Cymru i:

a) sicrhau bod athrawon yn cael eu hamddiffyn rhag cael eu cam-drin yn eu gwaith;

b) rhoi sylw i’r argyfwng posibl o ran cadw penaethiaid;

c) sicrhau bod rhaglenni hyfforddi athrawon yng Nghymru o’r ansawdd gorau;

d) creu cyfleoedd i athrawon ddatblygu eu sgiliau a datblygu eu gyrfa mewn amgylchedd addysgu.

Cyflwynwyd y gwelliannau a ganlyn:

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Gwelliant 1 - Carwyn Jones (Pen-y-bont ar Ogwr)

Ym mhwynt 2 ychwanegu "barhau i” ar ôl "Lywodraeth Cynulliad Cymru i”  

Cynhaliwyd pleidlais ar welliant 1:

Derbyniwyd gwelliant 1.

Gwelliant 2 - Carwyn Jones (Pen-y-bont ar Ogwr)

Dileu pwynt 2b a rhoi yn ei le:

"cefnogi datblygiad proffesiynol Penaethiaid a chamau i’w cadw”

Cynhaliwyd pleidlais ar welliant 2:

Derbyniwyd gwelliant 2.

Gwelliant 3 - William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

"adolygu’r arfer o ysgolion yn dileu uwch swyddi rheoli oherwydd pwysau cyllidebol.”

Cynhaliwyd pleidlais ar welliant 3:

Gwrthodwyd gwelliant 3.

Gwelliant 4 - William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

"rhoi sylw i’r prinder cyllid wrth weithredu cam olaf y Cytundeb Cenedlaethol ar Lwyth Gwaith Athrawon ar gyfer mis Medi 2009.”

Cynhaliwyd pleidlais ar welliant 4:

Gwrthodwyd gwelliant 4.

Gwelliant 5 - William Graham (Dwyrain De Cymru)

Ychwanegu is-bwynt newydd ar ddiwedd pwynt 2:

"sicrhau bod athrawon wedi cael eu hyfforddi’n briodol i adnabod anghenion addysgol arbennig posibl.”

Cynhaliwyd pleidlais ar welliant 5:

Derbyniwyd gwelliant 5.

Gwelliant 6 - William Graham (Dwyrain De Cymru)

Ychwanegu pwynt newydd ar ddiwedd y cynnig:

"Yn gresynu wrth arafwch Llywodraeth Cynulliad Cymru wrth weithredu argymhellion yr Adolygiad Cenedlaethol o Ymddygiad a Phresenoldeb.”

Cynhaliwyd pleidlais ar welliant 6:

Gwrthodwyd gwelliant 6.

Cynhaliwyd pleidlais ar y cynnig wedi’i ddiwygio:

NDM4042 Kirsty Williams (Brycheiniog a Sir Faesyfed)

Cynnig bod Cynulliad Cenedlaethol Cymru:

1. Yn nodi pwysigrwydd rhaglenni hyfforddi athrawon o ansawdd uchel ar gyfer recriwtio a chadw gweithlu proffesiynol llawn cymhelliant.

2. Yn galw ar Lywodraeth Cynulliad Cymru i barhau i:

a) sicrhau bod athrawon yn cael eu hamddiffyn rhag cael eu cam-drin yn eu gwaith;

b) cefnogi datblygiad proffesiynol Penaethiaid a chamau i’w cadw;

c) sicrhau bod rhaglenni hyfforddi athrawon yng Nghymru o’r ansawdd gorau;

d) creu cyfleoedd i athrawon ddatblygu eu sgiliau a datblygu eu gyrfa mewn amgylchedd addysgu.

e) sicrhau bod athrawon wedi cael eu hyfforddi’n briodol i adnabod anghenion addysgol arbennig posibl.

Derbyniwyd y cynnig wedi’i ddiwygio.

………………………………

5.29pm
Cyfnod Pleidleisio

………………………………

5.33pm
Eitem 7: Dadl fer

NDM4041 Alun Davies (Canolbarth a Gorllewin Cymru):

Cymru Wledig a Threfol: Cysylltu ein cymunedau.

………………………………

Daeth y cyfarfod i ben am 5.58pm

Cynhelir Cyfarfod Llawn nesaf y Cynulliad am 1.30pm ddydd Mawrth, 4 Tachwedd 2008

Ysgrifenyddiaeth y Siambr