Mae'r canlynol yn gynnig ar gyfer Bil Aelod a gyflwynwyd yn ystod y Chweched Senedd:
Aelod sy'n Cynnig:
Teitl y Bil Arfaethedig:
Bil Anaffylacsis mewn Ysgolion (Cymru)
Amcanion Polisi y Bil:
Diben y Bil yw cyflwyno dyletswydd gyfreithiol ar ysgolion:
- i hyfforddi athrawon i adnabod yr arwyddion bod rhywun yn cael adwaith anaffylactig;
- i ddarparu hyfforddiant i athrawon ynghylch defnyddio EpiPen;
- i addysgu plant am alergeddau bwyd.
Gwybodaeth ategol:
Mae anaffylacsis yn adwaith alergaidd difrifol a allai fod yn angheuol. Mae'n amharu'n ddifrifol ar fywydau'r rhai sydd mewn perygl. Nid oes modd trin na gwella anaffylacsis. Mae gan bobl sydd mewn perygl ddau opsiwn: rheoli eu cyflwr a chario adrenalin.
Ar hyn o bryd, nid oes dyletswydd gyfreithiol i hyfforddi athrawon i adnabod a thrin adweithiau anaffylactig, nac i addysgu plant am alergeddau bwyd.
Byddai ymgorffori hyfforddiant ar alergeddau ac anaffylacsis yng ngweithgarwch ysgolion yn arwain at achub bywydau.
Anaphylaxis UK yw’r unig elusen ledled y DU sy’n canolbwyntio ar gefnogi’r rhai sydd mewn perygl o ganlyniad i alergeddau difrifol, ac mae’r elusen yn cefnogi’r cynnig i wneud y newidiadau hyn yng Nghymru.