Mae'r canlynol yn gynnig ar gyfer Bil Aelod a gyflwynwyd yn ystod y Chweched Senedd:
Aelod sy'n Cynnig:
Teitl y Bil Arfaethedig:
Bil Adeiladu Cyfoeth Cymunedol (Cymru)
Amcanion Polisi y Bil:
Byddai’r Bil yn ceisio diweddaru a datblygu’r fframwaith deddfwriaethol yng Nghymru i ehangu cynlluniau gwaith yn sylweddol ar draws pum piler adeiladu cyfoeth cymunedol, sef:
- Perchnogaeth luosog o’r economi
- Gwneud i bŵer ariannol weithio dros leoedd lleol
- Cyflogaeth deg a marchnadoedd llafur cyfiawn
- Caffael nwyddau a gwasanaethau mewn modd blaengar
- Defnyddio tir ac eiddo mewn modd sy’n gynhyrchiol i’r gymdeithas
Byddai’r Bil yn ceisio cryfhau a chrisialu’r gwaith datblygu economaidd presennol mewn meysydd sy’n wahanol yn strategol ac yn ddeddfwriaethol drwy eu dwyn o dan un fframwaith cydlynol ar gyfer adeiladu cyfoeth cymunedol. Byddai Bil o’r fath yn anelu at estyn a dyfnhau gweithrediad adeiladu cyfoeth cymunedol ledled Cymru, gan sicrhau ei fod ar gael i bawb a’i fod yn defnyddio egwyddorion cyffredin wrth ddarparu hyblygrwydd lleol, rhanbarthol a sefydliadol.