Os gwnaethom ddysgu unrhyw beth dros dymor y Senedd ddiwethaf, fodd bynnag, y wers yw na allwn fod yn hunanfodlon, gan fod llawer o waith i'w wneud o hyd.
Edrychwn ymlaen at adeiladu ar yr hyn a gyflawnwyd gennym drwy gydol y Chweched Senedd.
Senedd i bawb
Rydym wedi cymryd camau breision i hybu amrywiaeth a chynhwysiant, ac i sicrhau bod yr egwyddorion hyn wrth wraidd yr hyn a wnawn fel Senedd.
Uchafbwyntiau
Ein Huchafbwyntiau drwy’r flwyddyn
Eleni, rydym wedi parhau i wneud cynnydd tuag at fod yn sefydliad mwy cynhwysol.
Dyfarnodd y Rhwydwaith Cyflogwyr ar gyfer Cydraddoldeb a Chynhwysiant wobr arian i'r Senedd yn y cynllun meincnodi Cynhwysiant Talent a Gwerthuso Amrywiaeth (Talent Inclusion and Diversity Evaluation – TIDE).
Unwaith eto, mae Comisiwn y Senedd wedi ei enwi yn un o’r deg cyflogwyr gorau o ran bod yn ystyriol o deuluoedd yn y DU.
Casglwyd a dadansoddwyd data cefndir economaidd-gymdeithasol ar gyfer ymgeiswyr am swyddi.
Parhau i leihau bylchau cyflog rhwng y rhywiau ac ethnigrwydd, ac eleni cyflwynwyd adroddiadau ar fylchau cyflog o ran anabledd.
Cafwyd gwell cyfraddau trosi, o’r cam cyfweliad i’r cam cynnig swydd, ar gyfer ymgeiswyr anabl a lleiafrifoedd ethnig.
Cynnydd yn nifer y ceisiadau gan bobl sy'n nodi eu bod yn draws ar gyfer rolau allanol.
Amrywiaeth a Chynhwysiant
Gwneud Busnes y Senedd yn gynhwysol
Mae cydweithwyr ar draws y sefydliad yn gweithio’n arloesol i gynnwys amrywiaeth a chynhwysiant yng ngwaith ein Senedd.
O’n Rhaglen Effeithiolrwydd y Pwyllgorau i gynyddu amrywiaeth yr arbenigedd ymchwil, gwnaethom gynnydd mawr o ran gwneud Busnes y Senedd yn fwy cynhwysol eto.
Allgymorth ac ymgysylltu
Fel corff seneddol, mae'n bwysig bod y Senedd yn cynrychioli holl bobl Cymru a bod gan bawb fynediad at ein gwaith, ein hadeiladau a'n gwybodaeth.
Fel y llynedd, oherwydd y pandemig Covid-19, rydym wedi addasu ein gweithgareddau ymgysylltu o weithgareddau wyneb yn wyneb i weithgareddau rhithwir.
Ein Pobl
Mae amrywiaeth a chynhwysiant wedi'u cynnwys ym mhob un o'n prosesau pobl.
Drwy gydol y pandemig, mae ein timau ar draws Comisiwn y Senedd wedi parhau i gydweithio i ddarparu Senedd ddiogel a chynhwysol.
Yn ei dro, mae llesiant a diogelwch ein gweithlu yn parhau’n flaenoriaeth gennym.
