Prif Swyddog Cyllid

Lleoliad: Bae Caerdydd, gyda threfniadau gweithio hybrid   

Cyflog: Hyd at £90,068 

Contract: Parhaol, Amser Llawn (ystyrir gweithio hyblyg)   

Y Rôl 

Fel Prif Swyddog Cyllid, byddwch yn arwain strategaeth ariannol y Senedd ac yn goruchwylio'r holl swyddogaethau cyllid statudol. Byddwch yn atebol i'r Cyfarwyddwr Adnoddau, ac yn broffesiynol atebol i'r Prif Weithredwr, a byddwch yn rheoli tîm Cyllid o 14 aelod o staff, gan gynnwys goruchwylio'r swyddogaeth Archwilio Mewnol. Byddwch hefyd yn darparu arweinyddiaeth strategol fel aelod allweddol o'r Bwrdd Gweithredol, gan gynghori ar benderfyniadau ariannol a sicrhau gwerth am arian ar draws y sefydliad. 

Byddwch yn chwarae rhan hanfodol wrth lywio dyfodol ariannol y Senedd, rheoli rhaglen fuddsoddi flynyddol, paratoi cyllidebau, a sicrhau llywodraethiant ariannol cryf yn unol ag arferion gorau'r sector cyhoeddus. Mae'r sefyllfa hon yn gofyn am gyfuniad o weledigaeth strategol, sylw i fanylion, ac arweinyddiaeth ymarferol i gynnal goruchwyliaeth ariannol gadarn yn ystod cyfnod o drawsnewid. 

Yn ystod y blynyddoedd i ddod, bydd newid a buddsoddiad sylweddol wrth i ni ail-ddychmygu ystad a gwasanaethau’r Comisiwn i ymaddasu i anghenion o ran adeiladau, arferion gwaith sy’n datblygu ac anghenion newydd ein Haelodau. Wrth i ni nesáu at y 7fed Senedd, bydd eich arweinyddiaeth chi yn hanfodol wrth lywio a chyflawni’r rhaglenni mawr hyn i drawsnewid. 

Senedd Cymru 

Mae Senedd Cymru yn gorff blaengar sydd wedi'i ethol yn ddemocrataidd sy'n gwasanaethu pobl Cymru. Mae'n gyfrifol am ddeddfu dros Gymru, cytuno ar drethi, a dwyn Llywodraeth Cymru i gyfrif. Mae Comisiwn y Senedd yn darparu'r staff, yr eiddo a'r gwasanaethau sydd eu hangen i gefnogi'r gwaith hwn. Rydym yn ymfalchïo mewn bod yn sefydliad modern, cynhwysol ac arloesol. 

Wrth i ni edrych tuag at gyfnod o drawsnewid sylweddol, gan arwain at ehangu'r Senedd i 96 o aelodau erbyn 2026, rydym yn chwilio am Brif Swyddog Cyllid gweledigaethol a phrofiadol i chwarae rhan ganolog yn ein datblygiad parhaus. Mae hwn yn gyfle prin i ymuno â thîm arwain sy'n sbarduno cynllunio ariannol strategol a buddsoddi i gefnogi democratiaeth Cymru. 

Ymgeiswyr 

Rydym yn chwilio am gyfrifydd cymwysedig (CCAB neu gyfatebol) gyda phrofiad o arwain ym maes cyllid cyhoeddus. Mae gennych ddealltwriaeth ddofn o gyfrifeg y sector cyhoeddus, rheoli adnoddau, a'r heriau o gyflawni prosiectau ar raddfa fawr mewn amgylchedd gwleidyddol cymhleth. 

Mae eich arddull arwain yn gynhwysol ac yn gydweithredol, a gallwch reoli newid, meithrin datblygiad tîm, a sbarduno mentrau strategol. Rydych yn angerddol am sicrhau gwerth am arian a chynnal y safonau uchaf o lywodraethiant ariannol. Mae sgiliau Cymraeg ar lefel cwrteisi yn ddymunol, ond darperir hyfforddiant os oes angen. 

Y camau nesaf 

Cyflwynwch eich CV a datganiad ategol (uchafswm o bedair tudalen) yn amlinellu eich cymhelliant ar gyfer gwneud cais a sut rydych yn bodloni'r fanyleb person. I gael rhagor o wybodaeth ac i wneud cais, ewch i: https://execroles.penna.com.   

Ac i gael trafodaeth anffurfiol am y rôl hon neu'r broses ddethol, cysylltwch ag Andrew Tromans yn Penna: 07805 226301 neu anfonwch e-bost at andrew.tromans@penna.com. 

Dyddiad Cau: 13 Tachwedd 2024

Mae Senedd Cymru wedi ymrwymo i sicrhau amrywiaeth a chynhwysiant, ac rydym yn annog pobl o bob sector o’r gymdeithas i wneud cais, yn enwedig grwpiau heb gynrychiolaeth ddigonol.