Y Pwyllgor Archwilio i holi Prif Weithredwr y GIG ynghylch cynnydd o ran amseroedd aros

Bydd Pwyllgor Archwilio’r Cynulliad yn holi Ann Lloyd, pennaeth Adran Iechyd a Gwasanaethau Cymdeithasol Llywodraeth y Cynulliad, ynghylch cynnydd a wnaed o ran mynd i’r afael ag argymhellion blaenorol y Pwyllgor ar amseroedd aros y GIG. Yn yr un cyfarfod, bydd y Pwyllgor yn casglu tystiolaeth gan Ms Lloyd a Syr Jon Shortridge, yr Ysgrifennydd Parhaol, ar adroddiad Archwilydd Cyffredinol Cymru ar gyfrifon y Cynulliad a chyrff y GIG. Bydd Aelodau hefyd yn ystyried ymateb Llywodraeth y Cynulliad i adroddiad y Pwyllgor ar Ardd Fotaneg Genedlaethol Cymru. Cynhelir y cyfarfod yn Ystafell Bwyllgora 3, y Senedd, am 1.30pm ddydd Iau 6 Gorffennaf. Manylion llawn ac agenda