Hyd y gellir rhagweld, bydd rhaglen y Pwyllgor yn canolbwyntio ar ei ymchwiliad i effaith Covid-19, a'r modd y mae'n cael ei reoli, ar iechyd a gofal cymdeithasol yng Nghymru. Cyhoeddodd y Pwyllgor alwad agored am safbwyntiau fel rhan o’r ymchwiliad hwn. Nid oes angen ymateb maith, ac nid oes terfyn amser i’w gyflwyno – gofynnwn i chi rannu’r hyn a allwch, pan allwch. Bydd pob ymateb a geir yn cael ei ystyried gan y Pwyllgor ac ei helpu gyda’i waith.

Bydd adroddiadau yn y dyfodol yn ystyried materion gan gynnwys llacio’r cyfyngiadau; y strategaeth ymadael; dychwelyd i ‘wasanaethau arferol’ yn y GIG a’r sector gofal; y galw yn y dyfodol am adsefydlu; effeithiau ar ofalwyr di-dâl; a data a’r defnydd o dechnoleg.

Ar y cyd â’r ymchwiliad hwn, bydd rhaglen dreigl o sesiynau tystiolaeth lafar rhithwir. Gellir gwylio’r holl gyfarfodydd, yn fyw, ar Senedd.tv. Caiff agenda derfynol ar gyfer pob cyfarfod ei chyhoeddi ar ein gwefan bob dydd Gwener.