Pwyllgorau

Mae gan bwyllgorau’r Senedd nifer o swyddogaethau, gan gynnwys craffu ar wariant a pholisïau Llywodraeth Cymru, dwyn y Gweinidogion i gyfrif, a chraffu ar deddfwriaeth arfaethedig.

Pwyllgorau Presennol

Mae'r Chweched Senedd wedi'i diddymu.

Disgwylir i bwyllgorau newydd gael eu sefydlu cyn Hydref 2026.

Yn yr adran hon

Pwyllgorau yw un o'r prif fecanweithiau sy'n galluogi'r Senedd i gyflawni ei swyddogaethau statudol a chyfansoddiadol.

Yn y Senedd, mae pwyllgor yn cynnwys nifer o Aelodau o'r Senedd o bob plaid wleidyddol a benodir gan y Senedd lawn i gydweithio ar waith manwl ac ymgymryd â swyddogaethau penodol. Y Senedd sydd hefyd yn penderfynu pwy fydd cadeirydd pob pwyllgor. Ni all unrhyw un nad yw'n Aelod o'r Senedd fod yn aelod o un o bwyllgorau neu is-bwyllgorau'r Senedd.

Rhyngddynt, mae pwyllgorau'r Senedd yn edrych ar y meysydd deddfu y mae Llywodraeth Cymru yn gyfrifol amdanynt. Y pynciau hyn yw'r meysydd o fywyd Cymru sydd wedi'u datganoli i'r Senedd gan Lywodraeth y DU yn Llundain.

Ynglŷn â phwyllgorau’r Senedd

Cymryd rhan mewn pwyllgor

Cyfnodau ymchwiliad

Canllawiau ar gywiro trawsgrifiadau

Cymryd rhan mewn pwyllgor

Mae’r Senedd yn gweithio gydag ystod eang o unigolion a grwpiau wrth graffu ar bolisi a deddfwriaeth. Nod yr adran hon yw rhoi’r wybodaeth y mae ei hangen arnoch os bydd gofyn i chi gymryd rhan yng ngwaith pwyllgor.

Pam mae'r Senedd yn gwerthfawrogi tystiolaeth amrywiol

Rôl y Senedd yw craffu ar weithredoedd a gwariant y llywodraeth, a gwneud cyfreithiau effeithiol sy'n gweithio i bawb. Mae pwyllgorau'r Senedd yn gwneud hyn drwy ymgysylltu â phobl Cymru a chasglu tystiolaeth mewn nifer o ffyrdd, gan gynnwys yn ysgrifenedig, mewn gwrandawiadau llafar, a thrwy ymgysylltu'n uniongyrchol â dinasyddion. Mae'n hanfodol bod pwyllgorau'n clywed amrywiaeth eang o safbwyntiau a phrofiadau.

Ymgynghoriadau presennol

Yn ystod ymgynghoriad, bydd y cyhoedd yn cael cyfle i roi eu barn am bwnc penodol. Gelir gwneud hyn drwy ofyn i bobl ysgrifennu at y Senedd, yn nodi eu barn am bwnc penodol. Mae croeso i unrhyw un ymateb i ymgynghoriad, yn ysgrifenedig, trwy fideo neu ar ffurf sain (rhoi gwybodaeth ysgrifenedig a digidol i bwyllgor).

Cyfeiriadur cyswllt o ran pwyllgorau’r Senedd

Mynnwch y diweddaraf am sut i gymryd rhan yng ngwaith pwyllgorau’r Senedd, a chael y wybodaeth ddiweddaraf am yr argymhellion a wneir i Lywodraeth Cymru.