O dan Reol Sefydlog 22.4A, rhaid i’r Senedd ethol eilydd o'r un grŵp gwleidyddol ar gyfer pob aelod o'r pwyllgor cyfrifol, at ddibenion Rheol Sefydlog 22.5.

Mae Rheol Sefydlog 22.5 yn nodi os bydd aelod o’r pwyllgor cyfrifol yn destun cwyn o dan Reol Sefydlog 22.2(i), neu os bydd wedi’i gysylltu’n uniongyrchol fel arall â chwyn o’r fath, ni chaiff gymryd rhan yn ystyriaeth y pwyllgor cyfrifol ar y gŵyn. O dan amgylchiadau o’r fath, ac mewn perthynas â’r ystyriaeth ar y gŵyn o dan sylw yn unig, caiff yr eilydd a etholwyd yn unol â Rheol Sefydlog 22.4A gymryd lle’r aelod hwnnw. Caiff yr eilydd gymryd rhan yng nghyfarfodydd y pwyllgor cyfrifol i ystyried y gŵyn fel pe bai’n aelod o’r Pwyllgor.

Yr eilyddion yw:

• John Griffiths AS ar gyfer Jayne Bryant AS
• Darren Millar AS ar gyfer Andrew RT Davies AS
• Llyr Gruffydd AS ar gyfer Rhun ap Iorwerth AS
• Caroline Jones AS ar gyfer David J Rowlands AS

Cytunodd y Pwyllgor (6 Tachwedd 2018) i Andrew RT Davies AS gael ei ethol i weithredu fel Cadeirydd dros dro yn unol â pharagraff 10.2 o’r weithdrefn gwyno.

Sefydlwyd y Pwyllgor Safonau Ymddygiad ar 29 Mehefin 2016 i gyflawni swyddogaethau'r pwyllgor cyfrifol fel y'u nodir yn Rheol Sefydlog 22. Roedd y rhain yn cynnwys:

• ymchwilio i gwynion a gyfeiriwyd ato gan y Comisiynydd Safonau;
• ystyried unrhyw faterion o egwyddor yn ymwneud ag ymddygiad Aelodau;
• a threfnu Cofrestr Buddiannau’r Aelodau a chofnodion cyhoeddus perthnasol eraill a oedd yn ofynnol o dan y Rheolau Sefydlog.