Rydym yn cynnig profiad/lleoliadau gwaith i bobl ifanc y mae'n ofynnol iddynt, fel rhan o'r Cwricwlwm Cenedlaethol, gwblhau cyfnod o amser yn y gweithle, a myfyrwyr fel rhan o’u hastudiaethau.
Rydym yn ceisio darparu ar gyfer (lle y bo'n briodol) pob cais am brofiad/lleoliadau gwaith, ond oherwydd y galw mawr, ni allwn warantu lleoliad a bydd pob cais yn cael ei drin ar sail cyntaf i'r felin.
Ewch i'n tudalen profiad gwaith i gael rhagor o wybodaeth ynghylch sut i wneud cais am leoliad profiad gwaith gyda ni.

Mae gennym ddau leoliad ym Mae Caerdydd, sef y Senedd a'r Pierhead. Mae gennym swyddfa yn y Gogledd hefyd a leolir ym Mae Colwyn.

Gallwch ddod o hyd i leoliad y rôl y mae gennych ddiddordeb mewn gwneud cais amdani, ynghyd ag unrhyw ofynion teithio perthnasol ar gyfer y rôl, yn y swydd ddisgrifiad.

Cynhelir y rhan fwyaf o'n hasesiadau a'n cyfweliadau yn Nhŷ Hywel, sef yr adeilad wrth ochr y Senedd ym Mae Caerdydd. Gallwch ddod o hyd i wybodaeth am sut y gallwch deithio i Dŷ Hywel drwy’r linc a ganlyn

Cyn gwneud eich cais, dylech ddarllen y swydd ddisgrifiad yn ofalus a sicrhau eich bod yn gallu rhoi digon o dystiolaeth o'r meini prawf sy'n benodol i'r swydd ynghyd â’r ymddygiadau cymwyseddau allweddol a'r sgiliau Cymraeg sydd eu hangen. Fel y nodir uchod, dylech ddweud sut rydych yn bodloni’r meini prawf gan ddefnyddio eich profiad, eich gwybodaeth a’ch cyflawniadau.

Gallwch. Ar ôl i chi gyflwyno'ch cais, gallwch weld ar ba gam y mae eich cais drwy fewngofnodi i’ch cyfrif. Byddwch hefyd yn cael hysbysiadau drwy gydol y broses.

Bydd y panel recriwtio yn sgorio'r dystiolaeth a roddir gennych yn eich cais yn ôl pob un o’r meini prawf yn y swydd ddisgrifiad.

Mae’r Senedd yn yn gyflogwr Hyderus o ran Anabledd  ac mae'n croesawu ceisiadau gan bobl anabl. Mae'r cynllun cyflogwr Hyderus o ran Anabledd yn gwarantu cyfweliad i bobl anabl os ydynt yn bodloni'r gofynion hanfodol ar gyfer y swydd. Os dangosir tystiolaeth 'dderbyniol' o'r sgiliau a'r rhinweddau sydd eu hangen ar gyfer y swydd y gwneir cais amdani, byddwn yn eich gwahodd i gyfweliad fel mater o drefn. Mae tystiolaeth 'dderbyniol' yn cyfeirio at fodloni'r meini prawf gofynnol ar gyfer y swydd.

Os cewch eich gwahodd i gyfweliad efallai y gofynnir i chi gwblhau asesiad, gall hwn fod yn asesiad ymarferol neu ysgrifenedig a gynlluniwyd i asesu'r sgiliau a'r galluoedd penodol sydd eu hangen ar gyfer y swydd. Rydym yn cynnal canolfannau asesu o bryd i’w gilydd hefyd.

Bydd y cyfweliad ei hun fel arfer yn cynnwys panel o dri unigolyn. Bydd y cyfweliad yn un strwythuredig a fydd yn cynnwys cyfres o gwestiynau yn seiliedig ar yr ymddygiadau cymhwysedd craidd a'r meini prawf sy'n berthnasol i'r swydd a nodwyd yn y swydd ddisgrifiad.

Bydd y cwestiynau a ofynir yn eich galluogi i ddangos i'r panel sut mae eich profiad gwaith a'ch profiadau personol yn awr neu yn y gorffennol yn eich gwneud yn briodol ar gyfer y swydd.

Bydd cyfle i chi ofyn cwestiynau am y swydd hefyd.

Rydym yn gyflogwr Hyderus o ran Anabledd achrededig, yn croesawu amrywiaeth ac yn hyrwyddo cyfle cyfartal.

Os oes angen unrhyw gymorth, neu unrhyw addasiadau yr ydych yn dymuno eu cael er mwyn gwneud eich cais, dylech gysylltu â'n tîm recriwtio ar swyddi@senedd.cymru cyn gynted â phosibl cyn y dyddiad cau i drafod eich anghenion.

Wrth wneud eich cais, llenwch yr adran berthnasol i ddweud wrthym pa addasiadau neu gymorth y gallai fod eu hangen arnoch yn ddiweddarach yn y broses recriwtio. Er enghraifft, efallai y bydd angen mynediad ar gyfer cadair olwyn ar gyfer y cyfweliad, neu os ydych yn fyddar, Gweithiwr Proffesiynol Gwasanaeth Iaith.

Os ydych yn ymgeisydd llwyddiannus, byddwch yn cael cyfle i drafod unrhyw addasiadau angenrheidiol â'n cynghorwr iechyd galwedigaethol, a byddwch hefyd yn cael asesiad llawn ar gyfer defnyddio offer sgrin arddangos. Bydd darparu'r wybodaeth hon yn ein helpu i ystyried sut y gallwn ddarparu ar gyfer eich anghenion yn rhesymol.

Yn Comisiwn y Senedd, rydym wedi ymrwymo i wneud pob addasiad rhesymol er mwyn galluogi ein cyflogeion ag anableddau i ymgymryd â'u dyletswyddau'n effeithiol.

Na. Dim ond rhai o’n swyddi sy’n gofyn i chi fod yn gwbl rugl yn y Gymraeg, felly os nad ydych yn siarad Cymraeg nid yw’n golygu’n awtomatig na allwch wneud cais. 

Bydd angen i chi fodloni lefel benodol o allu yn y Gymraeg, ond bydd yn dibynnu ar ba rôl rydych chi'n gwneud cais amdani. Mae rhai rolau yn gofyn am 'lefel cwrteisi' yn y Gymraeg, tra bod eraill yn gofyn am lefelau uwch o ran rhuglder. Ceir gwybodaeth am lefel y sgiliau Cymraeg sydd eu hangen ar gyfer rôl a sut y cânt eu hasesu yn y swydd ddisgrifiad.

Gallwch ddod o hyd i ragor o wybodaeth am ein Hieithoedd Swyddogol yma a gwybodaeth am y gwahanol lefelau o ran y Gymraeg yma.

Pan fyddwch yn llenwi eich cais, gofynnir i chi a oes gennych hawl i weithio yn y DU. Os cewch eich penodi, bydd yn rhaid i chi ddarparu tystiolaeth eich bod yn gymwys i weithio yn y DU.

Mae'n ofynnol i bob ymgeisydd llwyddiannus gwblhau gwiriad Fetio Diogelwch Cenedlaethol, felly fel rhan o’r broses ymgeisio gofynnir i chi a ydych wedi bod yn breswylydd yn y DU am o leiaf bum mlynedd.

Er nad yw diffyg preswyliaeth yn y DU o reidrwydd yn rhwystro cliriad diogelwch, rhaid i’r gwiriadau allu creu canlyniadau priodol i lywio’r broses benderfynu a darparu’r lefel ofynnol o sicrwydd.

Mae'r Cod Ymddygiad yn disgrifio'r safonau ymddygiad sy'n ofynnol gan yr holl gyflogeion.

Fel gweithiwr mewn sefydliad a etholir yn ddemocrataidd, disgwylir i chi ymddwyn mewn ffordd na fydd yn dwyn anfri ar y Senedd nac yn achosi embaras a rhaid i chi sicrhau eich bod yn cyflawni eich dyletswyddau a'ch cyfrifoldebau mewn ffordd onest a diduedd bob amser.

Wrth gydymffurfio â'r Cod Ymddygiad, byddwch yn sicrhau eich bod yn cadw at y safonau a ddisgwylir gan bawb ohonom sy'n cefnogi’r Senedd o ran uniondeb cymeriad, ymddygiad a sicrhau lles y cyhoedd wrth gyflawni'n gwaith.

Mae copi o'r Cod Ymddygiad yn cael ei rannu â phob ymgeisydd llwyddiannus, ond os hoffech gael copi cyn hyn, neu os oes gennych unrhyw gwestiynau, cysylltwch â'r tîm recriwtio drwy anfon neges at swyddi@senedd.cymru.

Er mwyn i chi wasanaethu pob aelod etholedig yn gydradd, mae’n hanfodol bod y Senedd a’r cyhoedd yn hyderus nad yw eich barn bersonol yn effeithio ar y modd yr ydych yn cyflawni eich dyletswyddau swyddogol. 

Amcan y rheolau yw caniatáu cymaint ag sy’n bosibl o ryddid i chi gymryd rhan mewn materion cyhoeddus heb dorri’r egwyddor sylfaenol hon.

Y rheolau cyffredinol ynghylch gweithgarwch gwleidyddol:

• rhaid i chi beidio â chymryd rhan mewn unrhyw weithgarwch gwleidyddol pan fyddwch ar ddyletswydd, yn gwisgo gwisg swyddogol neu pan fyddwch yn adeiladau’r Comisiwn;
• rhaid i chi beidio â mynd i gynadleddau allanol neu ddigwyddiadau a drefnwyd gan sefydliad sy’n perthyn i blaid wleidyddol neu a gafodd nawdd ganddo, yn eich rôl swyddogol;
• rhaid cymryd gofal i osgoi unrhyw embaras i'r Senedd drwy eich bod chi’n dwyn eich hun yn amlwg i sylw’r cyhoedd mewn dadl wleidyddol plaid fel aelod o staff y Senedd;
• rhaid i chi sicrhau eich bod yn mynegi eich barn wleidyddol bersonol mewn modd cymhedrol fel nad yw’r rhwystro, neu’n ymddangos fel pe bai’n rhwystro, gwasanaeth teyrngar ac effeithiol i aelodau o bleidiau eraill.

Os oes gennych unrhyw gwestiynau penodol, neu os hoffech gael copi llawn o’r Cod Ymddygiad, cysylltwch â'r tîm recriwtio drwy anfon neges at swyddi@senedd.cymru.

Fel cyflogai, rhaid i chi geisio caniatâd gan berson dynodedig cyn derbyn unrhyw gyflogaeth allanol.

Ni ddylech:

• ar unrhyw adeg, ymgymryd ag unrhyw weithgaredd a fyddai'n gwrthdaro â'ch dyletswyddau fel cyflogai'r Comisiwn, oni bai eich bod wedi cael caniatâd i wneud hynny;
• ymgymryd ag unrhyw waith neu weithgaredd arall allai wrthdaro mewn unrhyw fodd â buddiannau’r Senedd neu'r Comisiwn, nac a fyddai'n anghyson â'ch rôl fel cyflogai'r Comisiwn; 
• ymgymryd ag unrhyw weithgaredd allanol y cewch eich talu amdano sy'n manteisio ar brofiad neu wybodaeth a gawsoch drwy gyflawni dyletswyddau swyddogol, heb gael caniatâd i wneud hynny.

 Os ydych yn dymuno gwneud cais am benodiad i unrhyw fwrdd neu gorff cyhoeddus a ariennir yn gyfan gwbl neu'n rhannol o arian cyhoeddus, rhaid i chi geisio caniatâd.

Os oes gennych unrhyw gwestiynau penodol, neu os hoffech gael copi llawn o’r Cod Ymddygiad, cysylltwch â'r tîm recriwtio drwy anfon neges at swyddi@senedd.cymru

Rydym yn cymryd ein dyletswydd i brosesu eich data personol o ddifrif. Os ydym yn cadw gwybodaeth amdanoch chi, rydym yn eich sicrhau ein bod yn prosesu’r wybodaeth honno mewn modd teg, cyfreithlon a diogel.

Caiff y wybodaeth y gofynnwn amdani fel rhan o’r broses ymgeisio ei defnyddio i’n galluogi i ystyried a ydych yn addas ar gyfer swydd wag neu gyfle profiad gwaith. Does dim rhaid i chi roi holl wybodaeth yr ydym yn gofyn amdani, ond gallai effeithio ar ein gallu i brosesu'ch cais ac asesu a ydych yn addas ar gyfer swydd os na wnewch chi hynny.

Mae gwybodaeth am ein polisi preifatrwydd ar gael yma:

Os hoffech gael rhagor o wybodaeth am sut rydym yn casglu, rheoli, defnyddio a diogelu eich data personol at ddibenion recriwtio, cysylltwch â'n tîm recriwtio yn y lle cyntaf drwy anfon neges at swyddi@senedd.cymru